Verkefni á vegum Ung gegn ESB aðild.
Aðild að Evrópusambandinu felur í sér framsal ákvörðunarvalds til Evrópusambandsins á þeim málefnasviðum sem heyra undir sambandið svo sem á sviði orku, sjávarútvegs og landbúnaðar. Þannig þyrfti íslenskur sjávarútvegur að undirgangast sameiginlega fiskveiðistefnu Evrópusambandsins. Yfirráð yfir íslenskum auðlindum er best borgið hjá íslenskum stjórnvöldum en ekki á skrifstofu í Brussel í 2.000 km fjarlægð.
Aðild að Evrópusambandinu er tímafrekt ferli sem kallar á stjórnarskrárbreytingar og myndi færa mikilvægar ákvarðanir frá íslenskum kjósendum og Alþingi til stofnana Evrópusambandsins. Áhrif Íslands yrðu takmörkuð innan Evrópusambandsins en atkvæðavægi Íslands á Evrópuþinginu væri undir 1%. Ísland myndi jafnframt þurfa að borga til Evrópusambandsins vegna aðildar sem væri ólíkt síðustu stækkunum ESB þar sem aðildarríki hafa almennt verið þiggjendur úr sjóðum sambandsins.
Aðild Íslands að Evrópusambandinu er ekki sjálfvirk lausn á þeim vandamálum sem við okkur blasa, til að mynda í húsnæðismálum og vegna hás vaxtastigs. Slík vandamál verða fyrst og fremst leyst með ábyrgri hagstjórn og skýrri húsnæðisstefnu hér heima. Áður en til upptöku evru kæmi þyrfti Ísland að uppfylla ákveðin skilyrði. Yrði þeim skilyrðum fullnægt, væri verulegur hluti þess vanda þegar leystur sem aðild að ESB og upptaka evru er sögð leysa.
Settu inn mynd, fáðu hana með Xnei ramma fyrir samfélagsmiðlana.
